دبئی: البراری کے وینچر "ایلیمینٹل 78” کا آغاز،پرتعیش سہولیات متعارف
دبئ:(حافظ زاہد علی)البراری کے سی ای او اور ایلیمینٹل ڈویلپمنٹس کے بانی، ہزا ظال نے "ایلیمینٹل 78” (Elemental 78) کا باقاعدہ آغاز کر دیا ۔ یہ ایک شاندار رہائشی پروجیکٹ ہے جو جمیرہ گارڈن سٹی میں فطرت کے مطابق ڈیزائن اور ریزورٹ طرز کی پرتعیش سہولیات متعارف کروا رہا ہے۔
اس پروجیکٹ میں ایک، دو اور تین بیڈ رومز پر مشتمل اپارٹمنٹس کا ایک محدود اور خاص مجموعہ پیش کیا گیا ہے۔ ایلیمینٹل 78 البراری کے مشہور فلسفے کو ایک جدید شہری ماحول میں ڈھالتا ہے۔ عمارت میں سرسبز پودوں کی خوبصورت تزئین و آرائش رہائشیوں کو ہر وقت فطرت کے قریب رکھتی ہے، جو روزمرہ کی زندگی میں سکون، تندرستی اور بہترین ماحول فراہم کرتی ہے۔
پروجیکٹ کی نمایاں اور پرتعیش سہولیات:
روفتاپ اور تفریحی مقامات: چھت پر بنا سوئمنگ پول اور پرائیویٹ کیبنز شہر کے نظاروں کے ساتھ آرام کے لیے بہترین جگہ فراہم کرتے ہیں، جن کے ساتھ چھوٹا باغ، ویو ڈیک اور خصوصی یوگا زون بھی موجود ہے۔
فٹنس اور صحت: روزانہ کی ورزش کے لیے جدید ٹیکنالوجی سے آراستہ جم (Gym) کی سہولت موجود ہے، جبکہ سرسبز لاؤنجز سکون کے لمحات مہیا کرتے ہیں۔
خاندانوں اور بچوں کے لیے اندرونی اور بیرونی کھیل کے میدان (Play areas) بنائے گئے ہیں۔ اس کے علاوہ فیملی باربی کیو ایریا ڈیجیٹل اسکرینوں اور بہترین کولنگ کے انتظامات سے آراستہ ہے، جو پیاروں کے ساتھ یادگار وقت گزارنے کا بہترین ذریعہ ہیں۔
یہ رہائشی منصوبہ ان افراد، جوڑوں اور خاندانوں کے لیے بہترین انتخاب ہے جو دبئی کے مرکز میں جدید سہولیات کے ساتھ پرسکون اور معیاری زندگی گزارنا چاہتے ہیں۔
