لاہور (ویب ڈیسک) حکومت نے پٹرول کی قیمت میں معمولی کمی جبکہ ڈیزل کی قیمت میں مزید اضافہ کردیا۔ پٹرولیم ڈویژن نے پٹرول اور ڈیزل کی نئی قیمتوں کا نوٹیفکیشن جاری کردیا ہے۔
نوٹیفکیشن کے مطابق پٹرول کی فی لٹر قیمت میں 43 پیسے کمی کی گئی ہے، جس کے بعد پٹرول کی نئی قیمت 390 روپے 79 پیسے فی لٹر مقرر کردی گئی ہے۔
دوسری جانب ہائی اسپیڈ ڈیزل کی قیمت میں 3 روپے 47 پیسے فی لٹر اضافہ کیا گیا ہے، جس کے بعد ڈیزل کی نئی قیمت 424 روپے 92 پیسے فی لٹر ہوگئی ہے۔
پٹرولیم ڈویژن کے جاری کردہ نوٹیفکیشن کے مطابق پٹرول اور ڈیزل کی نئی قیمتیں 18 ستمبر 2026 سے نافذ العمل ہوں گی۔
پٹرول کی قیمت میں معمولی کمی کے برعکس ڈیزل کی قیمت میں اضافے سے ٹرانسپورٹ اور دیگر شعبوں کے اخراجات پر اثرات مرتب ہونے کا امکان ہے۔
